對家想你諗咩？無非就係「嘩！好暴力呀！咁多人圍住人打啵！割蓆啦都係」
搞笑嘅係，一個聲稱自己好克制嘅政府對721元朗黑社會無差別打市民，口講割蓆但實質有咩割蓆行動？
聲稱好克制嘅警隊811近距離開槍射擊市民，甚至導致一名女士終生失明，結果政府有冇同佢哋割？
仲有好多荒謬至極嘅事，葵芳地鐵站內開槍，無理拘捕買觀星筆嘅學生會會長，放竹入人袋意圖砌生豬肉，N件濫權濫捕事件，佢哋又有冇同荒謬割蓆？割你老尾，嘉許都嚟唔切啦
嗱，我都冇話要嘉許暴力行動，我只會講：「做法唔完美，但可接受，要改善。」
仲有咩？林奠你收皮啦！好多人只係等你一句「撤回」就覺得可以返屋企，你都唔撚肯，咁我哋核爆都唔割蓆呀！
下面copy咗啲不割蓆範本，跟邊個學嘢？咪政府囉
問：阻塞機場搞死香港？
答：「做法不完美，但可接受，要改善。」
問：點解阻止公安離開？
答：「佢唔喺現場出現就冇事，去得果度就可能有呢啲風險」。
問：阻止救護帶佢離開？人命嚟㗎。
答：「而家眾說紛云，我認為事主可以去報警先，警方必定會跟進調查。」
問：點解你地咁冇人性，濫用暴力，究竟想點？
「在場嘅市民只係用最低武力，當一切平靜後，真誠對話就會展開」
Search